EL
ME' VANGEL
|
Resta
qua, Signor,
no' te vedi che l'è presto sera?
La luna la sarà più bianca,
el ciel sarà pien de stele,
la nòte manco scura
e nissun gavarà paura!Signor, resta nel nostro
cor,
no' te vedi che l'è presto sera?
Co'n poco del to' Amor
se s-ciararà la tèra!
Se Ti, Signor,
te resti qua
nessuna fameia se desfarà
e là dove gh'è la goèra
tornarà la paçe
e l'aria che respiremo
la profumerà de incenso
e de bontà,
i monti i sarà più verdi,
l'Adese più chieto,
i grii cantarà nel prà.
|
Resta qua, Signor,
parché nei nostri sogni
ghe sia la contentessa,
in quei dei butini
la to' caressa;
resta qua parché domatina
ghe sia seren
e 'na spera de sol la possa
desfar 'l giasso che gavémo
nel'anima e nel cor!(Rina Pasetto Contri)
|
|
| Annunciassion |
Eco na camara, picola e
bianca
con un gran leto che sà da lavanda.
Eco na bionda Madona che sogna
na testolina coi rissi de seda.
Eco na bionda Madona che prega
par domandarghe la grassia al Signor!Fora un santòmo,
tirando la piala
scàia le asse par farghe na cuna,
ma nel so cor gh'è na làgrima sconta
che la speransa ghe fa indormensàr.
N'angelo bianco,
vestido de argento,
slusa ne l'aria che par de cristal.
N'angelo bianco se fa su la porta
e la Madona scominçia a tremar...
|
Par che la camera spanda
el profumo
de tuti i fiori che sbocia in april
e la Madona sbassando la testa
scolta la voçe che piove dal ciel:
"Ti, benedetta fra tutte le donne".Eco na camera piena de
canti
che se spresóna dal fondo del cor.
Eco na bionda Madona che ride
sora la cuna infornìda de paia.
Eco na mama che impissa sul mondo
na gran fiamàda che brusa de amor!
(Mario
Maimeri)
|
|
| Prima
note de Nadal |
Parché gai da malarse
proprio la note de Nadal!
La dovea essar la nostra prima messa
de mesanote: l'emo passà
mi tacà al leto de un putin
a l'ultimo piano,
ti in machina a spetarme.
Son vegnù zo che mesanote
l'era passà da un pèsso
e la machina cuerta de neve.
E le campane le sonàa de festa,
e i angeli i volàa sora la tera
cantando el Gloria.
E ti che te pianzei
parché te avei passà la note de Nadal
ti sola... |
Note del sessantatrì,
te porto nel me libro
come na viola del pensier.
Te si el ricordo più belo e più s-ceto
de un momento
che no me capitarà mai più:
parché in quel leto, mi lo savea,
gh'era el Bambin Gesù!
Quando sento sonar le campane
a mesanote, e i angeli che canta,
penso a la nostra prima note de Nadal:
forsi la più bela,
de sicuro la più santa!(Bepi Sartori)
|
|
Signor, Te prego
|
Con l’umiltà
d’en poareto,
e l’entusiasmo d’en puteleto,
Signor, Te prego!!Tèndene da la ensima!
Fa' che dopo la note ria la matina,
fa che ogni butin
el gabia la so mama,
e che no i la buta
en de na scaisagna.
Verseghe i oc a tuti i puteloc
Fa' che no i se perda miga
la parte bona dela vita,
risparmieghe qualche despiaser,
fa', Signor, che no i se perda
en den bicer,
meteghe nela testa che
par diese secondi de pedal
se la va be no i se cata a l’ospedal...
|
Signor, nel’universo
so en granelì,
ma, scolteme anca mi!
I ansiani i ga bisogno de tuto,
parchè i a sa pasà el so periodo bruto.
Tanti ani fa “te n’è lasà la
libertà”
ma, ema fat en po de confusiò,
el so che da la to cros
ormai no te ghe pu os,
Te prego, porta pasiensa,
de TI no podema far sensa!Signor,
fane na caresa
e rimeti el sol en do l’era,
parchè ogni dì vegna ancora sera!
(Rosanna
Armani)
|
|
Orasione
|
….de na mama par so
fiola,
parchè la sia braa a scola,
de na nona par la so salute,
le malatie la ghi a quasi tute.Orasione
de gente che laora
parchè dal lunari se vaga fora,
de du sposini parchè en di ria dei butini.
Orasione de chi comanda parchè
no ghe sia pu le guere,
i è fate par gnente e le roina la gente.
Orasione d’en putì
parchè guarisa el so cagnolì.
|
LU el scolta tuti,
boni catii e farabuti
ci credi e ci no credi,
dai paesi caldi a quei fredi.Tuc
i ga el so signor
da pregar e da rispetar,
e pol eser de consolasiò
qualsiasi preghiera dita
con devosiò.
(Rosanna
Armani)
|
|
Nadal
|
Nadàl par tanta gente
l’è un albaro splendente
de luci e de cartìne
e soto, tuto intorno,
un bel contorno
de doni e scatoline.
Par altri, invesse,
Nadàl l’è na gran tola
de tuto parecià:
pasticcio, nadalin,
na bossa che fa s.cioco,
el codeghin co la pearà. |
St’altri Nadàl lo
vede
tuto cuerto de neve;
le piante sbianchesè
dai piè a la testa,
le dà quel senso
de n’altra, unica festa.
Ognun vede Nadàl
a la so maniera,
ma in pochi, forse,
i ghe indovina
quela vera.
(Pierluigi
Zorzi)
|
|
